Zgjerohet diapazoni fetar në Shqipëri

Zgjerohet diapazoni fetar në Shqipëri


Ndryshon harta fetare e Shqipërisë. Me anë të një marrëveshjeje zyrtare, qeveria aktuale ka njohur një komunitet të ri fetar, atë të protestanëve. “Përcjellim mesazhin më të mirë për afrimin e Shqipërisë me Europën. Ajo do t’i bashkëngjitet BE-së me një komunitet fetar më të gjerë. Përshëndes harmoninë fetare dhe praninë tuaj këtu”, tha në ceremoninë e marrëveshjes kreu i protestantëve, Fitor Muca. Ai ka vlerësuar bashkëjetesën fetare si një vlerë të shqiptarëve prej nga ku edhe merr jetë edhe mirëkuptimi për të njohur këtë komunitet të ri. Madje, si për të përforcuar këtë bindje të përhapur gjerësisht në ceremoninë e nënshkrimit të marrëveshjes kanë marrë pjesë të gjithë drejtuesit e tri komuniteteve fetare kryesore, të cilët kanë uruar protestantët shqiptarë për këtë ngjarje të shënuar për ta. Ndërkohë, në aktivitetin e zhvilluar kanë qenë të pranishëm edhe pjesa më e madhe e trupit diplomatik të akredituar në Tiranë