Roberts: “Suksesi im është i pabesueshëm”

Roberts: “Suksesi im është i pabesueshëm”


Ylli i Hollivudit, Xhulia Roberts, ende nuk mund ta besojë të gjithë atë sukses që ka arritur në fushën e kinematografisë. Aktorja u bë e famshme me filmin “Pretty Woman”, ku luajti rolin e një prostitute përkrah aktorit Riçard Gir, i cili luante rolin e një biznesmeni që u dashurua me të. Pas 20 vjetësh, Roberts shprehet se i gjithë ai sukses ka qenë i pabesueshëm. “Nuk do të mund të besoja se do të arrija këtë sukses me një film të vetëm. Jam shumë me fat, vazhdimisht me fat, që gjithë këta njerëz kreativë më zgjedhin mua për role të rëndësishme. Është e jashtëzakonshme”, - ka thënë Roberts. Xhulia Roberts pritet të dalë me filmin e saj të ri “Duplicity”, ku luan përkrah aktorit Klaiv Ouen.