Berisha kurorëzon homoseksualët

Martesat brenda gjinise, feja kunder


Komunitetet fetare kundershtojne me force nismen ligjore te qeverise per lejimin e marteses mes sekseve te njejta, duke e quajtur ate nje ves te papranueshem dhe te demshem per shoqerine.
“Martesa eshte bashkim i sekseve te ndryshme dhe nuk eshte e pranueshme qe te behet mes homoseksualeve”, thote monsinjor George Frendo.

Edhe imami i Xhamise se Tabakeve, Elvic Naci thote se ky akt shihet si nje mekat i madh, ndaj parlamentaret nuk duhet te behen pjese e ketij drafti.

Madje Monsinjor Frendo shkon me tej dhe parlajmeron se ligjerimi i martesave gay, perben nje kercenim te madh per familjen.

“Ne rast se sot lejohen martesat mes homoseksualeve, ne te ardhmen do te kerkohet adoptimi i femijeve, gje qe do te coje ne shkaterrimin e familjeve. Sot duhet te luftojme kunder divorceve dhe jo te lejojme martesa te tilla”, tha Monsinjor Ftendo.

Qeveria e justifikoi miratimin e ligjit per martesat ne gjini si nje nga kriteret qe duhet permbushur per antaresimin e vendit ne Bashkimin Europian, por kjo teze hidhet poshte nga perfaqesues te komunitetit mysliman.

Homoseksualët italianë: Do shkojmë të jetojmë në Shqipëri


Mediat e huaja përqendrojnë vëmendjen te martesat gay në vendin tonë



Shoqata e homoseksualëve italianë "Arcigay" paralajmëron se do të shpërngulet drejt Shqipërisë tani që në këtë vend do të lejohen martesat gay. Një lajm ky që duhet të gëzojë Ministrinë e Turizmit, e cila do të raportojë shifra më të larta turistësh nga bota. "Komuniteti homoseksual italian do të shkojë të jetojë pas disa muajsh në Shqipëri. Një tjetër vend europian po i tregon Italisë se çfarë do të thotë të rritesh në të drejtat civile dhe sociale", pohon shoqata "Arcigay". E përveç ankesave ndaj qeverisë së tyre, ata nuk kanë lënë mënjanë ovacionet për veprimin e kreut të qeverisë shqiptare. Sipas tyre, "me këtë ndërhyrje parlamentare, Kryeministri Sali Berisha e ka përcaktuar si të papranueshme diskriminimin e personave gay, duke shpjeguar se me adaptimin e këtij ligji Shqipëria do t‘i afrohej Europës. Ata kanë përfituar nga ky qëndrim për të goditur shtetin e tyre, për të cilin u shprehën se "vetëm në Itali politika si ajo e djathtë dhe e majtë nuk është e aftë as të diskutojë të drejtat e personave homoseksualë dhe tashmë jemi të fundit në Europë ku familjet homoseksuale nuk kanë asnjë lloj njohjeje". Në fund të qëndrimit të tyre, shoqata e homoseksualëve italianë thekson se "në muajt e ardhshëm, në shenjë të këtij zhvillimi kulturor dhe social do të organizojmë barka për të kaluar Adriatikun dhe për të shkuar e për të ndërtuar marrëdhëniet tona në këtë vend ballkanik".

Një reagim mjaft optimist dhe madje entuziast ka manifestuar dje edhe Aleanca Kundër Diskriminimit të LGBT (lesbike, gay, biseksual, transxhender). Ajo pohon se e ka mirëpritur deklaratën e Kryeministrit Berisha në mbështetje të ligjit kundër diskriminimit dhe të drejtës së martesës për personat gay në Shqipëri. "Shpresojmë të kemi mbështetjen e të gjitha palëve dhe miratimin e ligjit kundër diskriminimit sa më shpejt pas fillimit të sezonit të ri parlamentar. Ky nuk është vetëm një hap drejt integrimit europian, por i shërben kryesisht emancipimit të shoqërisë shqiptare. Ne jemi krenarë që vendi ynë po i bashkohet shumë vendeve të tjera, duke mbështetur barazinë dhe duke refuzuar diskriminimin ndaj personave homoseksualë, biseksualë dhe transxhender", thuhet në deklaratën e kësaj aleance.

Por, edhe lajmi se Shqipëria do të njohë me ligj martesat "gay" ka tërhequr vëmendjen edhe të shumë mediave ndërkombëtare. Kështu, "Associated Press" duke iu referuar deklaratave të Kryeministrit "Berisha", thekson se vendi ynë e ka shumicën e popullsisë myslimane dhe se e drejta e besimit ndalohej gjatë periudhës së regjimit komunist në vitet 1944-1990. "Earthtimes" në faqen e saj të internetit thekson se "homoseksualiteti dënohej me 10 vite burg në periudhën e komunizmit". Britanikja "Pinknews" bën të ditur se komisionerët e Këshillit të Europës për të drejtat e njeriut kanë vënë në dukje problemet që vuajnë homoseksualet në Shqipëri. A.Rr.

Juristët

Kodi i familjes ndalon martesat gay


Kodi Shqiptar i Familjes nuk i lejon martesat brenda gjinisë,

edhe nëse për këtë mbërrin një projektligj në Parlament. Më parë duhet ndryshuar Kodi dhe për këtë nevojiten 84 vota nga 140 deputetë. Një shpjegim i tillë vjen nga Aureola Anastasi, drejtore e Komitetit Shqiptar të Helsinkit. Ajo thotë se "nuk ka një pikë në draftin e përgatitur nga organizatat për të drejtat e njeriut në vend, ku të kërkohet legjitimimi i martesave mes homoseksualëve, por edhe nëse do të kishte një të tillë, ky ligj nuk do të mund të kalonte për miratim në Parlament, pasi më parë, do të duhej të ndryshohej Kodi i Familjes". Në të vërtetë, Kodi i Familjes përcakton se martesë konsiderohet ai veprim që kryhet mes mashkullit dhe femrës. Pra, përjashtohet ligjërisht që të funksionojnë qoftë edhe me një ligj shtesë martesat brenda gjinisë. Elsa Ballauri, kryetare e Forumit për Mbrojtjen e të Drejtave të Njeriut, shprehet se "ne jemi iniciatorë të projektligjit kundër diskriminimit të minoriteteve të caktuara. Në draftin që ne kemi paraqitur nuk kemi kërkuar dhe nuk kemi ndërmend të kërkojmë që të ligjërohen martesat brenda gjinisë".

Ajo theksoi se "ne e konsiderojmë të papërshtatshme për Shqipërinë që të ketë martesa të homoseksualëve".

S'e besoj se do te ndodhe ,pasi do te kete reaksion te forte ne popull.
Po ka lujt mendsh Ky Sala mos te harroje se cndodhi me monumentin e diktatorit dhe ta vere veten ne vend te tij ,duke mos harru se vete eshte i gjalle

Nuk eshte budall,sala,jo,pale si jane punete me keta dreq nderkombetare se na u henger shpirti me keto lloje detyre shtepie,s'me duket fare normale aprovimi i ketij ligje ne shoqerine e sotme shqiptare.

arberia shkruajti:Nuk eshte budall,sala,jo,pale si jane punete me keta dreq nderkombetare se na u henger shpirti me keto lloje detyre shtepie,s'me duket fare normale aprovimi i ketij ligje ne shoqerine e sotme shqiptare.

Un nuk jam dakord hic, personalisht me duket se zotni Salia e ka bastardhu edhe e ka bastardhu shum keq, nerkomtart sju kan vu asnji kusht tjerve, as atyne qe jan tu apliku ne te njajten kohe si asht shqypnija, pse u dashka athere me i vu kusht shqipnise, por un menoj se kjo politike asht politik ekstreme si vet eksperianca politike Shqyptare, qe ju afron ligjin e homoseksualve per me i bin se Shqipnija asht shtet liberal politik, sepse zgjelljet ne njifar mnyret kan pas shum probleme dhe ka munsi mos mu njoft te nershme. Per mu kjo asht politik ekstreme e zotni Salise dhe nuk jam dakord hic me kthy shqipnine ne ven turistik te homoseksualve, jo se kam problem me kyt shtres te popullsis, por gjithsesi vetem 3 vene ne Europe jan ato qe kan kyt ligje pse u dashka na vendi ma i varfen ne Europe mu kthy ne shtetin thiths te turizmit homoseksual, a thu se i kena tana problemet tjera te zgjilluna.