Pranga 4 nxënësve, vodhën kompjuterët e shkollës

Katër nxënës të një shkolle nëntëvjeçare janë arrestuar nga policia e kryeqytetit, pasi dyshohen se janë autorët e vjedhjes së katër kompjuterëve në ambientet ku mësonin. Burimet policore të Tiranës shpjeguan se nga seksioni kundër vjedhjeve u arrestuan në flagrancë katër 15-vjeçarët që ishin edhe në një klasë. Arrestimi i tyre u krye sepse rreth orës 01:00, në bashkëpunim me njëri-tjetrin, dyshohet se kanë realizuar vjedhjen e katër kompjuterëve në ambientet e shkollës 9-vjeçare "Qazim Turdiu" në Tiranë. Policia shpjegoi se u kryen veprimet procedurale dhe në cilësinë e provës materiale u sekuestruan sendet e vjedhura. Materialet në ngarkim të tyre do t‘i kalojnë Prokurorisë së Rrethit Gjyqësor Tiranë, për veprën penale të "vjedhjes" në bashkëpunim.

O Zot ,hajdute kaq te vegjel