Vendimi është arbitrar, vajzat myslimane duan të arsimohen"

Vendimi është arbitrar, vajzat myslimane duan të arsimohen"

Komuniteti Mysliman i Shqipërisë e konsideron si të nxituar prononcimin e ministrit të Arsimit dhe të Shkencës në lidhje me shaminë, sidomos në një kohë kur Shqipëria është bërë anëtare me të drejta të plota në NATO dhe pretendon të aplikojë për anëtarësimin në BE", kjo ka qenë deklarata e djeshme e Komunitetit Shqiptar Mysliman, lidhur me deklaratën e ministrit të Arsimit për sa i takon mbajtjes së shamisë në institucionet arsimore nga ana e besimtareve islame. Në vazhdën e përpjekjeve për zgjidhjen e këtij problemi, kryetari i KMSH-së ka kërkuar edhe një takim zyrtar me ministrin e Arsimit.

Komuniteti Mysliman, si institucion mbrojtës i të drejtave të myslimanëve në Republikën e Shqipërisë, shpreh indinjatën e tij dhe të të gjithë myslimanëve që përfaqëson ndaj fenomenit të përsëritur të privimit arbitrar të vajzave me shami nga e drejta kushtetuese për arsimim, duke deklaruar edhe njëherë se veshja e vajzave myslimane me shami koke nuk është simbol dhe indoktrinim fetar, por një obligim i besimit islam.

"Kushtetuta e Republikës së Shqipërisë i garanton çdo shtetasi shqiptar të drejtën e arsimimit dhe të lirisë së besimit. Këto kufizime nuk mund të cenojnë thelbin e lirive dhe të drejtave dhe në asnjë rast nuk mund të tejkalojnë kufizimet e parashikuara në Konventën Evropiane për të Drejtat e Njeriut", sqaroi dje zyrtarisht Komuniteti Mysliman. Sipas përfaqësuesve të komunitetit, askush nuk mund të diskriminohet dhe të privohet nga e drejta e arsimimit vetëm për bindjet fetare. Për këtë arsye Komuniteti Mysliman i Shqipërisë kërkon që këtij problemi t`i jepet rrugëzgjidhje brenda kornizave kushtetuese, pasi asnjë rregullore, urdhër apo deklaratë, nuk mund t‘i privojë ndonjë njeriu të drejtat kushtetuese.


Myftinia, thirrje MASH-it:


Rishikoni vendimin për vajzat me ferexhe




Përfaqësuesit e Komunitetit Mysliman në Fier reagojnë ndaj vendimit për largimin nga shkolla të vajzave myslimane që mbajnë ferexhe. Myftinia e Fierit i ka kërkuar dje MASH-it, nëpërmjet një deklarate për shtyp, që të rishikojë vendimin dhe të respektojë të drejtën e vajzave për të praktikuar lirisht fenë e tyre. Imami i Myftinisë së Fierit, Pëllumb Bajro, e ka cilësuar zgjedhjen për të mbajtur shami në shkollë, si një e drejtë që ua jep Kushtetuta e vendit. "Nuk është e drejtë që një njeriu t‘i hiqen të drejtat e tij themeltare, që i garantohen nga Kushtetuta e vendit. Në të thuhet se respektohet e drejta e besimit të çdo shtetasi", thuhet mes të tjerash në deklaratën e imamit.

Po mire more miqte e mi ,a nuk ka shkolle fetare (te çdo lloj feje ,e kam fjalen),ku te mund te mesojne vajzat e veshura me uniforme n e fese?Se ,ne mos gaboj çdo shkolle ,sipas rregullores te miratuar nga Dikasteri i Arsimit,ka uniformen e saj.Ketu nuk ka vend per te folur per harmoni fetare te prishura,jo ,kjo nuk duhet instrumentalizuar ne kete menyre.Te gjithe jane te lire ,ne nje shtet Demokratik,por mos te harrojme qe ne kete shtet me te vertete Demokratik rregullat dhe ligjet duhet te zbatohen deri ne n je,perndryshe kalohet ne anarshi.

Alban,une perseri ngul kembe qe ,n.q.s.ka nje rregullore per uniformen ne shkolle(une mbaj mend qe kur sahkonja edhe ne te mesme ishim te detyruar te shkonim me perparese te zeze dhe me jake te bardhe),dhe po te mos e kishe te dergonin ne shtepi dhe duhej te paraqiteshe ne shkolle patjeter me prindin.kesaj i referohem kur ngul kembe,dua te me kuptosh drejt,pasi nuk kam asnje paragjykim per shamite e vajzave myslimane,por kur ka rregulla duhen zbatuar.Dhe mbase aty ku eshte shkolle publike duhet vajtur me uniformen e caktuar nga Dikasteri dhe ne shkollat fetare kane uniformen e tyre edhe kjo e miratuar nga Dikasteri i Arsimit.Nuk e di a u shpreha.

ALBAN ,me kujtohet,si s'me kujtohet uniforma qe kam mbajtur,por une e kisha kete uniforme deri ne klasen e 8-te.Tani shume shkolla te mesme i shoh me uniforma(s'ka te beje ajo e flamosura Parti),prandaj them se si te jete rregullorja,nejse ato vajza tani mbase jane pranuar,pas nje pronocimi ne nje emision ne Tv,te kryeministrit Berisha ,i cili la hapsire pozitive per pranimin e vajzave ne ate shkolle me uniformen fetare.

tani pas ''po'' te kryeministrit them qe do rrjedhin normalisht gjerat ....