Kursi i këmbimit, leku dhe dollari në rënie kundrejt euros

nga **ADMIN** Tue Mar 24, 2009 7:03 pm

Kursi i këmbimit, leku dhe dollari në rënie kundrejt euros

Dollari ka pësuar rënie drastike në kursin e këmbimit për shkak të ecurisë së bursave ndërkombëtare. Në agjencitë e këmbimit, monedha amerikane ka zbritur në nivelin e 96 lekëve, duke humbur rreth 6 lekë kundrejt javës së kaluar. Në rënie kundrejt euros është edhe monedha kombëtare leku. Euro shkëmbehet me 131 lekë ose rreth 1 lek më shumë se një javë më parë. Ekspertët e sistemit bankar shpjegojnë se forcimi i euros është me pasoja për ekonominë, pasi shtrenjton importet dhe rrjedhimisht rrit çmimet në treg. Luhatjet në kursin e këmbimit po rëndojnë edhe mbi qytetarët që kanë marrë kredi në valutë, të cilët po paguajnë më shumë për interesat mujore.

24 Mars 2009