Zbardhet vjedhja e 200 mije eurove

Zbardhet vjedhja e 200 mije eurove

Po dje, policia e kryeqytetit ka dokumentuar edhe një vjedhje me anë të mashtrimit në shumë të madhe eurosh. Në këtë kuadër, specialistët e seksionit kundër krimit ekonomiko-financiar bënë të mundur ekzekutimin e urdhrit të prokurorisë për Ardian Skënderin. Nga të dhënat e dosjes hetimore, me vendim të datës 30 dhjetor 2008 të Gjykatës së Rrethit Tiranë, është caktuar masa e sigurisë “arrest në burg”, për shtetasin Ardian Demir Skënderi, 40 vjeç, lindur në Shkodër dhe banues në Elbasan, i proceduar më parë për vjedhje me anë të mashtrimit. Ngritja e akuzës për këtë person u krye pasi ndaj tij është deponuar një kallëzim nga një firmë private, ku personi i mësipërm dyshohet se e ka mashtruar, duke përvetësuar shumën e parave prej 200 mijë eurosh. Për Skënderin ka filluar procedimi penal për veprat penale të vjedhjes me anë të “mashtrimit” dhe të “falsifikimit të dokumenteve”. Aktualisht, policia theksoi se ky person ndodhet tashmë i arrestuar për konsumimin e një tjetër vepre penale, duke vuajtur dënimin në Burgun e Peqinit.

Burimi: Gazeta Shqip

Policise i uroj kete mbarevajtje dhe kriminelet te marrin denim max !

Ndoshta mesojne te tjeret tani ,se krimi i organizuar nuk eshte menyra te jetosh