Kukes, rremben foshnjen, kapet 9 vjecarja

Kukes, rremben foshnjen, kapet 9 vjecarja



Rrembehet nje foshnje nga shtepia, gjendet nga policia se bashku me rrembyesen e saj 9-vjecare.

Ngjarja e rende ka ndodhur mengjesin e djeshem ne qytetin e Kukesit, nderkohe qe mendohet se pas se mitures, fshihet nje grup adoleshentesh, qe kohet e fundit jane bere problem per komunitetin per vjedhje dhe krime te tjera. Ka qene ora 7.30 min e se martes, kur policia e Kukesit eshte sinjalizuar per rrembimin e nje foshnje ne nje prej pallateve te lagjes nr. 3 te qytetit.

Dyshohet se nje vajze vetem 9-vjece, me iniciale E.E. ka hyre ne apartamentin e nje familjeje te re nga Hasi, te cilet jetonin aty me qira. E mitura mendohet te kete hyre lehtesisht brenda, pasi dera e jashtme ishte e hapur, pasi e zonja e shtepise ka qene duke pastruar shkallet e pallatit. Pasi ka hyre brenda mendohet se ka marre nga krevati foshnjen 4-muajshe, me inicialet I.K dhe ka dale me te ne krahe.

Familjaret, nuk e kane vene re mungesen e foshnjes, vetem kur nje fqinj i tyre, me profesion efektiv i larte i policise ne Kukes, ka pare vajzen e panjohur qe mbante foshnjen ne krahe dhe i habitur ka pyetur nenen e te mitures se ku e kishte derguar. Nena e foshnjes, nje e re 26-vjecare, e befasuar nga pyetja eshte pergjigjur se e kishte lene ne shtrat, brenda ne shtepi.

Ketu ka nisur edhe alarmi, qe fatmiresisht ka qene vetem pak caste pas rrembimit. Policia e Komisariatit te Kukesit menjehere ka bllokuar te gjitha daljet e qytetit dhe ka nisur operacionin e kerkimit te foshnjes. Zedhenesja e Drejtorise se Policise, Irena Laknori, ka sqaruar se foshnja 4-muajshe u gjend ne krahet e nje femije 9 vjec me inicialet E.E. lindur dhe banuese ne Kukes. I njejti burim sqaron se foshnja i eshte kthyer nenes se saj shendoshe e mire, ndersa per ngjarjen ne fjale, jane shoqeruar per ne Komisariatin e Kukesit 9-vjecarja se bashku me nenen dhe familjare te tjere, nje moter 16 vjec dhe njeri nga vellezerit e saj, 14 vjec.

Mesohet se e mitura me inicialet E.E. ka deklaruar ne polici se foshnjen ia kishte leshuar ne krahe nje kalimtar te agjencia e udhetareve dhe se nuk e njihte dhe as dinte cfare te bente me te. Nderkohe qe ka mohuar qe te kete shkuar ne shtepine e foshnjes dhe ta kete rrembyer ate. Nena dhe dy femijet me te rritur te familjes kane mohuar te kene qene ne dijeni te rrembimit. Policia ende nuk ka dhene ndonje mase ndalimi, por eshte ende duke hetuar per zbardhjen e ngjarjes.

Nderkohe, babai i foshnjes se rrembyer, thote per “Shqip” se: “Kemi jetuar momente tmerri, kjo gje mos i ndodhte askujt. Ne na gezon fakti qe vajza eshte shendoshe e mire, per te tjerat nuk duam te flasim”. Nderkohe, nje grua 40 vjece banuese ne afersi te vendngjarjes, ka pohuar se e kishte pare 9-vjecaren me nje foshnje ne preher te ulur ne borduren e rrugices, rreth 50 m larg apartamentit te foshnjes. “Po rrinte ulur aty si kur te priste dike qe ta merrte me makine dhe me beri pershtypje, por vetem pas pak mora vesh se kishte qene foshnja e rrembyer”, ka thene ajo.
Mesohet se ne momentin kur 9-vjecarja eshte ndaluar fillimisht ka refuzuar te hipe ne fugonin e policise. “Nuk vij ne polici, sepse kam frike, une nuk kam bere gje”, mesohet te kete thene e mitura, ndersa policia e kishte marre me vete, me te emen dhe familjaret e tjere. Burime te policise lokale tregojne se familja e te mitures 9-vjecare ka precedente penale, kryesisht gjobevenie, ndersa i vellai qe lakuar per ngjarjen e grabitjes se familjes kosovare, ku mbeti e plagosur nje grua, ngjarje kjo e ndodhur nje muaj me pare.

Grupe adoleshentesh ne Kukes dhe ne Has kohet e fundit kane kryer dhjetera vjedhje dhe grabitje, per te cilat Gjykata e Shkodres, perkatesisht sektori i te miturve ka dhene denime me disa dite burg apo thjesht keshillime, per shkak te moshes se mitur.