Lajme te ralla- zbavitese dhe interesante

nga Hene@ Wed Apr 22, 2009 11:30 am

Kryen 190 operacione pa diplomë !

Një bankier i mërzitur gjerman, i cili falsifikoi diplomën e universitetit për të realizuar ëndrrën që të bëhej kirurg, është burgosur për tre vjet. 29-vjeçari, i cili i ktheu shpinën financës dhe i armatosur me diplomën e mjekut nga universiteti i Oksfordit

në Britani trokiti në dyert e klinikës së universitetit “Erlangen” në Bavari, gjeti një punë të re. Ai mori pjesë në 190 operacione, ku 17 prej të cilave ishin transplante organesh, dhe për pak shpëtoi pa u lagur. Shefi i klinikës nuk vuri re asgjë të pazakontë. Askush nuk do ta kishte diktuar mashtruesin, sikur një informator mos të kishte treguar.

nga Hene@ Wed Apr 22, 2009 11:31 am

Gruaja ankohej ç’do ditë, burri luan loto dhe fiton 4.2 milion $

Gruaja qaramane e nxiti bashkëshortin të blejë biletë lotarie dhe ai fitoi 4.2 milionë dollarë. Zelandezi nga Auckland, e bleu biletën dy minuta para se shitjet të mbylleshin të shtunën në mbrëmje.

“Gruaja kishte gjithë javën që ankohej se nuk kemi para, kështu shkova dhe bleva biletën, pak para se të mbylleshin”, thotë bashkëshorti me fat, i cili nuk do të identifikohet. “Duhet të kem qenë klienti i fundit atë natë”, thotë ai. “Jam kaq i kënaqur që gruaja ime ankohet”, shton përsëri. Familja me shumë fëmijë i dha fund problemeve ekonomike në këtë mënyrë.
Shpërndaje lajmin:

nga Hene@ Wed Apr 22, 2009 11:31 am

Maqedonia nuk e jep mercedesin e Titos

Portali kroat index.hr shkruan se Qeveria e Maqedonise nuk do ta shese modelin e vjeter te Mercedes te vitit 1947, i cili ka qene ne sherbim te kryetarit te Jugosllavise, Josip Broz Tito.

Ne te vertete, per kete antikuitet i cili eshte nje rariret i vecante ne treg, prodhuesi gjerman ka ofruar tre modele me te reja dhe me luksoze.

Vetura ka qene e ndertuar me duar, ndersa ne kohen e saj ka kaluar vetem 50 mije kilometra dhe eshte ne gjendje te shkelqyeshme. Qe nga pavaresia e Maqedonise, asnje nga politikanet nuk e ka shfrytezuar. Gjate 16 viteve te kaluara ne Shkup kane arritur shume oferta, por te gjitha Maqedonia i ka refuzuar dhe prandaj mendohet se do ta refuzoje edhe kete te fundit.

nga Hene@ Wed Apr 22, 2009 11:32 am

Këpucët “ByeBye Bush” brenda natës janë përhapur në të gjithë botën

Porosia e 300.000 pale kepuceve, me te cilat gazetari irakien gjuajti presidentin amerikan Bush, ne Turqi ka hapur 100 vende te reja te punes.

nga Hene@ Wed Apr 22, 2009 11:32 am

Kinezja 107 vjeçare, kërkon burrë

Një grua kineze 107 vjeçe, e cila gjatë një shekulli ka pasur frikë të martohej, ka vendosur më në fund të kërkojë një burrë. Sipas një gazete lokale, e moshuara kërkon një bashkëshort mbi të 100-tat, duke shpresuar që të ketë çfarë të flasë me të. Wang Guing kishte nisur të mendonte se po u bëhej ferrë nipave të saj, kur në moshën 102-vjeçe theu këmbën, pasi që prej atëherë nuk mundte të bënte më punët e përditshme të shtëpisë. E lindur në provincën Guizhou, vajza e një tregtari kripe, Wang u rrit duke u shërbyer xhaxhallarëve dhe të afërmve të tjerë, shpeshherë duke rrahur gratë e tyre. Por më në fund është kujtuar se është vetë një grua dhe duhej të martohej, edhe pse në moshën 107 vjeç.

nga Hene@ Wed Apr 22, 2009 11:33 am

Gratë e bukura më shumë anojnë kah tradhëtia

Gratë e bukura më lehtë do të lëshoheshin në flirt ose shkelje kurore për shkak të hormonit seksual që lidhet me joshjen dhe vardisjen, tregon hulumtimi i paradokohshëm.

Gratë me sasi më të madhe të estradiolit, e konsiderojnë veten si më tërheqëse se gratë tjera, por edhe burrat e perceprojnë në këtë mënyrë.

Këto gra shpeh herë lëshohen në flirt dhe rregullisht i ndërrojnë partnerët. Po ashtu, më pak janë të kënaqura nga të dashurit e tyre dhe ndihen më pak të lidhur me ta.

Shkencëtarët e Universitetit në Teksas theksojnë se këto gra në mënyrë konstante kërkojnë “rast më të mirë” që ta braktisin partnerin e tyre aktual, nëse ndonjë burrë tjetër më cilësor shfaqë interesim për to.

“Gratë më tërheqëse fizikisht kërkojnë dhe fitojnë më shumë vëmendje, ndërsa kanë edhe më shumë standarde gjatë kërkimit të partnerit”, sqaron dr. Kristina Durante, duke shtuar se gratë shpesh herë zgjedhin mes partnerëve me mjete të bollshme materiale dhe atyre më superior fizikisht me gjene më të mira

“Gratë me sasi më të madhe të estradiolit para se gjithash do të kenë të dashur ose do të dalin me më shumë burra në të njëjtën kohë për shkak se vazhdimisht kërkojnë bartës më superior të gjenit, konstaton Durante.

nga Hene@ Wed Apr 22, 2009 11:34 am

Hoteli më i pisët në SHBA: Ai në mes të “Times Square”

Cili është hoteli më i pisët në Amerikë? Sipas miliona votueseve, çmimin e merr “Carter Hotel” në “Times Square”, Nju Jork. Atje do të gjeni gjithçka, që nga minjtë, njolla të mistershme dhe trupa të vdekur nën shtrat, të cilat i kanë dhënë këtij hoteli me një yll këtë veçanti. Disa mund të thonë se sheshi “Times Square” nuk është “Disneyfied”. Me miliona udhëtarë kanë votuar për hotelin

“Carter” në perëndim të rrugës 43, si hoteli më i keq në Amerikë. Manaxheri i hotelit thotë se për arsye se hoteli mban vetëm një yll, atëherë edhe standardi i pastërtisë është i dobët. Kjo është e sigurt, por ajo që të bën përshtypje është çmimi, 130 dollarë për një dhomë.

nga Hene@ Wed Apr 22, 2009 11:34 am

New York - Reklama

Para se edhe rrugët e qyteteve tona të mbushen përplot me reklama, të shohim se si duket qendra e qytetit më të madh në SHBA

nga Hene@ Wed Apr 22, 2009 11:35 am

Louvre, Monaliza shpërthen në lotë

Një version gjigand dhe tepër gri i një Monalise në lotë është shfaqur në muzeun e Luvrit ngjitur me pikturën origjinale e të famshme të Leonardo Da Vincit. Punimi i artistit franko kinez Yan Pei Ming titullohet funeral i Mona Lizës, dhe është një inciativë e Luvrit për të përballur artin kontemporan me mjeshtrat e lashtësisë.

nga Hene@ Wed Apr 22, 2009 11:36 am

Në Angli, kokaina më e lirë se birra

“Rënia e vazhdueshme e çmimeve në tregun e drogës ka bërë që droga të më e lirë sesa një birrë në krikëll apo një gotë verë në lokal”, njofton Ministria britanike e Punëve të Brendshme. Në raport thuhet se një gram kokainë aktualisht kushton rreth 22 euro. Duke qenë se një gram mjafton sa për 20 përdorime, rezulton se narkomania është bërë më e lirë se alkoolizmi.

Të dhënat janë edhe më alarmante nëse analizohen çmimet e kokainës së kualitetit të dobët dhe me më pak pastërti, sepse ato janë më të ulëta se 50 për qind, që do të thotë se kjo drogë është në dispozicion për pothuajse të gjithë, edhe për ata më të varfrit.

nga Hene@ Wed Apr 22, 2009 11:37 am

Gratë më rrallë humbin vendet e punës

Meshkujt në SHBA më shpesh humbin vendin e punës sesa femrat, tregon hulumtimi më i ri i Qendrës liberale për përparim amerikannë Uashington.
Disa analistë të caktuar konsiderojnë se së shpejti do të mund të pritej që në vendet e punës të ketë më shumë femra sesa meshkuj.

Ekonomistët, përderisa shkalla e papunësisë shënon rritje, zbulojnë një trend të ri - meshkujt humbin vendet e punës më shpejtë se femrat.

Statistika tregon se 82 për qind e vendimeve për përjashtim u janë ndarë meshkujve, të cilët janë fuqia kryesore punëtore në degët ekonomike që janë prekur rëndë nga kriza, siç janë industria dhe ndërtimtaria.

Femrat, nga ana tjetër, kryesisht punojnë në sfera ku ka më pak përjashtime, në mesin e të cilave janë mbrojtja shëndetësore dhe arsimi.

Ekspertët ekonomikë theksojnë se me thellimin e recesionit pritet rritje e mëtejshme e numrit të familjeve për të cilat përkujdesen femra.

Ky trend vetëm i rritë problemet ekonomike me të cilat përballen familjet amerikane, duke marrë parasysh faktin se femrat fitojnë 20 për qind më pak sesa meshkujt.

nga Hene@ Wed Apr 22, 2009 11:37 am

Ish-presidenti Bush refuzon punën në dyqan

George W. Bush ka refuzuar mundësinë e parë për një punë të re që kur u largua nga Shtëpia e Bardhë, në një dyqan pajisjesh ndërtimi në Dallas. I zoti i zinxhirit të dyqaneve në Teksas ia bëri ofertën në fillim të muajit dhe letrën e publikoi në gazetën “Dallas”.

Edhe pse nuk ka gjetur ende botues për librin e kujtimeve, zoti Bush e refuzoi punën. Zoti Bush qëndroi një orë në dyqan, duke folur me klientët e duke bërë pazar. Kjo punë është “part-time”, duke i lënë kohë zotit Bushit të punonte me bibliotekën dhe të shkruante për dy mandatet. Puna është më pak stresuese se ajo e fundit”, shkruan menaxheri.

nga Hene@ Wed Apr 22, 2009 11:38 am

Fjalëkryqi prej shtatë metrash së shpejti do të dalë në shitje në Kosove

Rekordi më i ri në enigmatikën shqiptare është prezantuar dje në Gjilan nga Shoqata e Enigmatëve “Ndre Mjeda”. Fjalëkryqi me autor Arbëresh Dalipin është i gjatë 7 metra dhe përbëhet nga 1mijë e 119 fjalë. Autori i fjalëkryqit njëherësh edhe anëtar i Shoqatës “Ndre Mjeda”, ka thënë se i është dashur 1 muaj punë për të përpiluar këtë fjalëkryq.

Të drejtën e botimin të fjalëkryqit e ka e përditshmja kosovare “Koha Ditore”. Sipas kryetarit të Shoqatës “Ndre Mjeda”, Zijadin Hasani, “fjalëkryqi shumë shpejt do të jetë në duart e zgjidhësve të pasionuar”. Fjalëkryqi më i gjatë në hapësirat shqiptare do të botohet në vazhdime me “Kohën Ditore”.

nga Hene@ Wed Apr 22, 2009 11:39 am

Veturë speciale për njeriun më të trashë në botë

Burri më i trashë në botë, meksikani Manuel Uribe ka fituar Shevrolet të prodhimit të viit 1989 që është veturë speciale për peshën e tij. Tani ai mund të lëvize, pasi për polot 6 vite nuk ka mundur të del nga shtrati i tijë. Uribe në vitin 2006 është regjistruar në librin e Ginisit, si njeriu me më peshë në Botë, me 560 kilogram.

Ai ka arritur të zvogëloj peshën e tij për disa kilogram, nga momenti kur ka kërkuar ndihmë publike për të rënë nga pesha e madhe.

Meme, siç e thirrin shokët e tij, ashtu e ka emëruar edhe veturën e tij. “Shokët e emëruan veturën time Meme-Mobil, njejtë si Betmobili “ ka thënë Uribe.

Ai planifikon të filloj bisnes me auto pjesë, ndërsa shoqja e tij Klaudija Solis ka thënë se me veturën që e kanë planifikojn të bëjnë plazhë diku.

nga Hene@ Wed Apr 22, 2009 11:40 am

Je tepër i shëndetshëm ? Duhet të paguash 2 bileta në aeroplan

Edhe në Amerikë pasagjerët e shëndetshëm janë të detyruar të paguajnë dyfish biletën e udhëtimit. Ky rast bën fjalë në atë periudhë, kur biletat e avionit janë tepër të kërkuara dhe kur vendet janë të limituara, për faktin sepse ata do të detyrohen të udhëtojnë tepër të shtrënguar dhe kjo gjë bëhet për të lehtësuar udhëtimin e tyre. Kështu të gjithë ata persona që janë tepër të shëndetshëm,

duhet të marrin masa që të udhëtojnë në kohën kur nuk ka tepër pasagjerë, ose të rezervojnë biletën e tyre shumë kohë më përpara, në të kundërt gjoba e shëndetit të tyre do të jetë dyfish. Është ky një rregull i ri që kanë vendosur të gjitha kompanitë ajrore për pasagjerët “extra large”. Linjat e reja të udhëtimit ajror, kanë filluar që në muajin janar zbatimin e këtij rregulli, për kategorinë e tretë. Pasagjerët “standard” shpesh herë ankohen për mosrehati gjatë udhëtimit, për shkak të pasagjerit tepër të shëndetshëm që është ulur pranë tyre. Shoqëria ajrore justifikojnë vendimmarrjen e tyre nëpërmjet këtij rasti. Nëse avioni nuk është i mbushur plot me pasagjerë, atëherë pasagjerët e shëndetshëm, do të ulen në vende të caktuara dhe do të duhet të paguajnë diçka shtesë.

nga Hene@ Wed Apr 22, 2009 11:41 am

Del në ankand poezia e Al Kapone-s

Gjashtëdhjetë vjet pas vdekjes së gangsterit të famshëm amerikan, Al Kapone, lindur në Bruklin në vitin 1899, ka dalë në ankand një poezi e tij, e quajtur “Madona mia”. I vënë në shitje nga Kenet Rendell, një antikuar i specializuar për dokumente historike, çmimi fillestar nis nga 65 mijë euro.

Sipas organizatorëve, arsyeja e nxjerrjes në dritë të kësaj poezie, është se “njëri prej gangsterëve më të përgjakshëm, kishte edhe një zemër sensibël dhe romantike”. Kënga është shkruar nga Al Kapone në vitet 30, ndërsa vuante dënimin për evazion fiskal në Alkatraz. Poezia i dedikohej gruas së tij, Mae, e cila i qëndroi pranë edhe në momentet më të vështira.

nga Hene@ Wed Apr 22, 2009 11:42 am

SHBA: I vdekuri zgjidhet kryetar komune

Në qytezën Vinfild të shtetit federal amerikan të Misurit, në zgjedhjet e fundit lokale fitoi kandidati i cili kishte një muaj që kishte vdekur. Fletëvotimet ishin shtypur, ndërsa kampanja parazgjedhor kishte filluar kur gjashtëdhjetenëntëvjeçari Hari Stounbrejker, vdiq si pasoje e një infarkti.

Në këto zgjedhje ai mundi të marrë 209 vota ose 90% të votave të qytetarëve dhe fitoi. Për bashkëpunëtorët e tij kjo përkrahje e lartë për të nuk ishte befasi pasi Stounbrejker kishte kryer funksionin e kryetarit të Komunës edhe në mandatin paraprak katërvjeçar, duke qenë shumë i respektuar dhe i dashur nga qytetarët. Diçka e ngjashme ka ndodhur edhe në vitin 2000 gjatë zgjedhjeve për Senatin amerikan. Demokrati Mel Karnahan kishte humbur jetën në një aksident ajror vetëm disa javë para zgjedhjeve,por mundi ta fitoj ë kundër kandidatin e tij kryesor.
Atëherë zgjidhja u gjet me emërimin e gruas së Karnahan në vendin e fituar nga ai në Senat. mbetet të presim dhe të shohim se si do të zgjidhet rasti me kryetarin e komunës që nuk jeton më.
Shpërndaje lajmin:

nga Hene@ Wed Apr 22, 2009 11:43 am

Kush janë vendet me mjedise më të pastra në botë ?

Revista e mirënjohur ekonomike, amerikane “Forbs” ka botuar një renditje me vendet, të klasifikuara si më mike të mjedisit, në botë. 140 vende janë klasifikuar në bazë të një indeksi për ruajtjen e mjedisit, i përpunuar nga Universitetet e Kolumbias dhe Jeillit.

Zvicra vlerësohet si shteti më i pastër dhe me mjedis të pandotur, në botë, edhe pse është vend me të ardhura të larta. Pas saj renditet Suedia, Norvegjia, Kosta Rika, Kolumbia, Zelanda e Re, Japonia, Kroacia dhe Shqipëria. Për vendin tonë nënvizohet, se edhe pse nuk ka bërë sa duhet për ekologjinë, shkaqet e pastërtisë lidhen me industrinë e vendit, që thuajse nuk ka punuar kurrë. Tjetër arsye që përmendet është mos-përdorimi i gazit, apo i lëndëve të tjera për ngrohje. Gjithashtu, në rang vendi, ndotja e ajrit mbetet ende e vogël. Metoda e përdorur bazohet në 25 kritere, që nisin nga pastërtia e ajrit, cilësua e ujit, biodiversiteti dhe përdorimi i pasticideve.

nga Hene@ Wed Apr 22, 2009 11:43 am

Dashnoret e pasanikëve – viktimat e para të recesionit

Në mesin e viktimave të krizës ekonomike botërore janë edhe dashnoret e menaxherëve të pasur, bëri të ditur gazeta britanike “Dejli Telegraf”. Hulumtimi i agjencisë “Prins edn Asocishejts” tregoi se 80 për qind e pasanikëve në mënyra të ndryshme i anuluan shpenzimet për të a.q grua tjetër.

Sipas rezultateve të hulumtimi, thuajse gjysma e menaxherëve, brokerëve dhe ekspertëve të ndryshëm financiar po orvaten që të lirohen nga dashnoret. Sipas “Dejli Telegraf” “erdhën kohëra të vështira për vajzat e kënaqësisë”.

“Sikur automobili luksoz edhe dashnorja kërkon kohë edhe para. Andaj, kur pasaniku doemos duhet të kursejë, dashnorja është në mesin e gjërave të para prej të cilave duhet të heq dorë”, konsideron Xhosh Spero, agjencia e të cilit e zbatoi hulumtimin.

Nëse pasaniku megjithatë nuk dëshiron të heq dorë nga dashnorja, doemos duhet ta pranojë faktin se kohërat janë të vështira dhe se nuk do të ketë më dhurata të shtrenjta

nga Hene@ Wed Apr 22, 2009 11:44 am

Ndërgjegje edhe pas moshës 65-vjeçe

Një gjerman i cili pohon se para fundit të Luftës së Dytë Botërore ka vjedhur një biçikletë nga qyteza holandeze Nijkerk, ka vendosur që pas 65 vitesh t`ua kompensojë dëmin pronarëve. Mediumet transmetojnë se ai e ka vjedhur biçikletën për të ikur para forcave aleate që po hynin në qytet.

Ai ka arritur të shpëtojë, por bën të ditur se prej vitit 1945 e “brenë” ndërgjegjia që në atë kohë dikujt i ka marrë mjetin e vlefshëm transportues.

Gjermani i kujdesshëm, ka tentuar me ndihmën e kishës t`i gjejë pronarët, por priftërinjt kanë përcaktuar se në vendin e përmendur ushtarët gjermanë para përfundimit të luftës kanë vjedhur mbi një mijë biçikleta për të ikur.

nga Hene@ Wed Apr 22, 2009 11:45 am

Shëruesi kinez nuk pret flokët 60 vjet

Shëruesi kinez pohon se pacientët e tij janë me shëndet të mirë dhe se me sukses u shëron sëmundjet e tyre vetëm falë asaj që nuk i qeth flokët e tij. E as nuk i lan aq shpesh. Peng Fu, një shërues 79-vjeçar i cili praktikon mjekësinë tradicionale kineze,

ka gjetur një lidhje të çuditshme në mes gjatësisë së flokëve të tij dhe shëndetit të pacientëve të vet. Në fakt, flokët nuk i ka shkurtuar që 60 vjet dhe pohon se mu për këtë pacientët e tij janë të shëndoshë. “Kam reshtur së shkurtuari flokët dhe pacientët kanë filluar të shërohen. Qasja ime ndaj mjekësisë është bërë më e efektshme sa më shumë që i kam lënë flokët të rriten”, ka thënë Peng. Herën e fundit që i ka matur flokët e tij ato kanë qenë të gjata 2.7 metra. Shëruesi nga qyteti Suining në Kinën qendrore, afrimin e tij ndaj mjekësisë e merr shumë seriozisht, prandaj pacientëve të tij nuk u lejon t’ia prekin flokët dhe i pastron shumë rrallë.

nga Hene@ Wed Apr 22, 2009 11:45 am

Pëllumbat, “kontrabandistë” celularësh në burg

Ngjarjet e çuditshme nuk kanë të mbaruar në burgjet braziliane. Nga policia bëhet e ditur se të burgosurit e një burgu në Brazilin jugperëndimor kanë përdorur pëllumbat për të kontrabanduar celularë në burg.

Një roje burgu ka kapur të mërkurën e kaluar një pëllumb i cili për këmbë e ka pasur të ngjitur një qese me pjesë të një celulari të vogël. Të nesërmen, është kapur pëllumbi tjetër me një qese në të cilën është gjetur mbushësi për telefonin celular. Shpezët me gjasë janë mbajtur në burg, kontrabanduar jashtë tij, janë pajisur me pjesë për celularë, e më pas janë lëshuar për t’u kthyer në burg.

nga Hene@ Wed Apr 22, 2009 11:46 am

Në Bullgari propozojnë gomar për deputet

Në qytetin bullgar Varna, për herë të parë në botë për kandidat për deputet propozohet një gomar. Kandidatura ambicioze është propozim i partisë së sapoformuar “PolitProstitutka-Forca Bullgaria”.

Partia e kandidoi gomarin me parullën “240 janë pak”, duke aluduar në numrin aktual të deputetëve.

Lideri i partisë në mënyrë ironike sqaron se kandidatura e gomarit ka të bëjë me mungesën e nderit dhe moralit te deputetët dhe nga ana tjetër numrin e partive dhe idealet që “ndërrohen si kanale televizive”.

nga Hene@ Wed Apr 22, 2009 11:47 am

Ronaldo i apasionuar pas Facebook-it

Interneti pushton edhe Kristiano Ronaldon. Sipas gazetes “Daily Star”, asi i Mancester Junajtid eshte nje i pasionuar pas flirtit “on-line”, vecanerisht perdor “Facebook”, ose bisedon me vajzat nepermjet “MSN”. Topi i Arte nuk njeh kufij, per te folur ne internet, ku mbyllet per ore te tera ne nje vile qe kushton 4 milione sterlina.

“Ronaldos i pelqen te catoje me vajzat ne internet”, - theksoi nje vajze portugeze, e cila eshte perfshire ne listen e gjate te lojtarit te Mancester Junajtid. Sipas nje miku te Ronaldos, futbollisti perdor pseudonim gjate bisedave dhe flet shume rralle per futbollin.

nga Hene@ Wed Apr 22, 2009 11:47 am

Gjendet japonezi që mbijetoi sulmet në Hiroshimë dhe Nagasaki

Plaku japonez Cutomu Jamaguçi është njeriu i parë për të cilin me siguri të plotë dihet se ka mbijetuar të dy sulmet me bombë atomike në Japoni, atë në Hiroshimë dhe tre ditë më vonë në Nagasaki.

Jamaguçi, ndonëse i rrezatuar gjatë sulmeve, arriti pleçërinë edhe atë 93 vjet. Ai në gusht të vitit 1945 ka qenë në udhëtim tregtar në Hiroshimë, kur bombarderi amerikan B-29 hodhi bombën atomike, ndërsa në Nagasaki u kthye saktë para sulmit në këtë qytet.

Autoritetet qytetare të Nagasakit deklaruan se Jamaguçi është njeriu i parë që njihet zyrtarisht si i mbijetuar nga të dyja sulmet.

nga Sponsored content

Lajme te ralla- zbavitese dhe interesante

Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante

Re: Lajme te ralla- zbavitese dhe interesante