Elbasan, droga kercenon shkollat

Elbasan, droga kercenon shkollat


Droga, duhani dhe pijet alkoolike jane te pranishme pothuajse ne te gjitha ambientet e shkollave ne 9-vjecare dhe te mesme ne Elbasan.
Mosha me e prekur nga ky fenomen eshte nga 13 deri ne 18 vjec. Sipas mjekut Behar Gjevori, mbi 12 raste ne jave kerkojne ndihme sepse paraqiten me komplikacione te renda nga perdorimi i narkotikeve.

“Eshte ekipi jone qe eshte ndeshur me fenomene te tilla dhe subjekte qe alternojne nga moshat 13-14 ne 20-35 vjec. Kur vijne jane ne gjendje kritike dhe sapo dorezohen ne spital, shoket e tyre largohen per t’i shpetuar policise. Kemi trajtuar shume raste dhe kemi pasur sukses”, deklaron Gjevori.

Ne Elbasan nuk ka mjeke te specializuar per keto raste, nderkohe qe thuhet se trafikantet dhe shperndaresit jane duke i dhene lendet narkotike falas ne menyre qe te krijojne nje klientele te sigurt me vone.

Ne qender te shenjestres jane universitetet dhe shkollat e mesme te qytetit. Ndersa mesohet se ne kete qytet eshte ulur numri i punonjesve te policise qe kujdesen per anti-drogen, burime zyrtare te drejtorise se policise tregojne shifrat e fenomenit te perdorimit te droges ne qytetin e Elbasanit.

“Drejtoria e Elbasanit ka marre masat e duhura per parandalimin e perdorimit te lendeve narkotike. Nuk do te kete asnjehere kompromis me perdoruesit e droges dhe alkoolit ne radhet e nxenesve”, ka deklaruar Valbona Bega, zedhenese e policise se Elbasanit.

Ne planet e aferta te drejtuesve lokale te shendetesise eshte krijimi i nje qendre per trajtimin e te toksikuarve.

Me pelqejne masat e marra nga Drejtoria e Elbasanit per parandalimin e lendeva narkotike neper shkolla.te gjithe shkelesit-para ligjit.