Berisha: Hyrja ne NATO, e ardhme e sigurte

“Me integrimin ne NATO, e ardhmja e vendit eshte e sigurte”. Keshtu deklaroi kryeministri Berisha gjate konferences “Karta e Adriatikut, integrimi euroatlantik dhe sfidat e sigurise ne Ballkanin Perendimor".
Kreu i qeverise falenderoi SHBA-ne per krijimin e Kartes se Adriatikut, si dhe shprehu mirenjohjen per asamblene parlamentare te NATO-s dhe qeverite e parlamentet e vendeve qe ratifikuan protokollin e anetaresimit. “Ju garantoj se besimi qe na dhate me ftesen e anetaresimit do te kthehet ne pergjegjesi me te madhe, qe vlerat e perbashketa qe ka ne themel aleanca, te konsolidohen ne Shqiperi”, tha ai.

Berisha permendi reformat e realizuara nga qeveria shqiptare ne luften kunder krimit te organizuar dhe korrupsionit, reformat fiskale, ne arsim, shendetesi dhe infrastrukture. “Korrupsioni duhet luftuar cdo ore, cdo dite, cdo muaj. Lufta kunder tij eshte jetike per funksionimin e shtetit te se drejtes dhe per te luftuar varferine”, u shpreh kryeministri.


Withers: Vazhdoni reformat

Ambasadori amerikan ne Tirane, John Withers kerkoi nga qeveria shqiptare vazhdimin e reformave, 5 jave perpara momentit historik, kur Shqiperia do te behet anetare e aleances.

Withers vleresoi rolin e Kartes se Adriatikut, si perberes kryesor ne suksesin per marrjen e fteses per anetaresim, fale bashkepunimit qe treguan Shqiperia, Kroacia dhe Maqedonia. “Anetaresimi do te shenoje nje hap te ri, por puna per vendet e A3 nuk ka perfunduar. Presim qe te vazhdojne reformat demokratike, ekonomike dhe ushtarake. Me zgjerimin e NATO-s, Ballkani do te jete me i sigurte dhe me i qendrueshem”, u shpreh ambasadori.

Ai tha se SHBA pret qe edhe Maqedonia te behet pjese e aleances sa me shpejt, pasi te kete zgjidhur mosmarreveshjet me Greqine.


Hobs: Zgjerimi i NATO-s nuk kercenon askend

“Zgjerimi i NATO-s nuk kercenon stabilitetin e askujt, por aspirantet per t’u bere pjese e saj duhet te tregojne arritje dhe jo vetem aspirata”.

Mesazhi ka ardhur nga sekretari i pergjithshem i Asamblese Parlamentare te NATO- s, David Hobs. “Duhet te tregoni angazhim per t’i bere realitet aspiratat tuaja”, tha Hobs, qe mori fjalen ne punimet e konferences.

Punimet e konferences, qe po mbahet ne Tirane, do te vazhdojne edhe neser. Ne te do te diskutohen sfidat e parlamenteve te vendeve pjesemarrese, per te siguruar burimet e nevojshme qe kerkon mbrojtja, per te zbatuar reformat ushtarake, qe u mundesojne atyre te bashkeveprojne me forcat e NATO-s, te permiresojne bashkepunimin nderkufitar, te bashkerendojne perpjekjet ne luften kunder korrupsionit dhe krimit te organizuar, trafikut te armeve, lendeve narkotike dhe formave te tjera te krimit ndershteteror, duke miratuar ligjet e nevojshme.

Normal qe do te kemi te ardhme te garantuar ,me hyrjen ne NATO,por duhet qe qeveria te beje shume dhe shume kujdes ,pasi ne çdo moment eshte e monitoruar nga nderkombetaret.

arberia shkruajti:Normal qe do te kemi te ardhme te garantuar ,me hyrjen ne NATO,por duhet qe qeveria te beje shume dhe shume kujdes ,pasi ne çdo moment eshte e monitoruar nga nderkombetaret.

Kjo eshte shume e vertete ,cdo veprim shikohet