Itali, “Gazzetta del sud”: Liliana Kondakci, person në kërkim ndërkombëtar

Itali, “Gazzetta del sud”: Liliana Kondakci, person në kërkim ndërkombëtar



Në artikullin e gazetës italiane, “Gazzetta del sud” theksohet se këngëtarja 56 vjecare, e konsideruar në Shqipëri si pasuri kombëtare është përfshirë në rrjetin e trafikut të drogës të njohur me kodin “Shkodër”, si pjesë e të cilit është shpallur person në kërkim ndërkombëtar. Sipas gazetes italiane Kondakci është shpallur person në kërkim, nën akuzën e trafikut të lëndëve narkotike.

CATANZARO- Këngëtarja Liliana Kondakci shpallet person në kërkim ndërkombëtar. Lajmi bëhet i ditur nga gazeta italiane “Gazzetta del sud”e cila shkuan se Kondakci kërkohet në të gjithë Europën për trafik të substancave narkotike, si pjesëmarrëse në rrjetin gjigand të drejtuar nga Fisnik Smajlaj.
Në artikullin e “Gazzetta del sud” theksohet se këngëtarja 56 vjecare, e konsideruar në Shqipëri si pasuri kombëtare është përfshirë në rrjetin e njohur me kodin “Shkodër”, si pjesë e të cilit është shpallur person në kërkim ndërkombëtar.

Sipas gazetës Pulieze, cështja e këngëtares shqiptare ka filluar në maj të vitit 2006 kur u arrestua në stacionin e trenit Sibari në Cosentino, me tre kilogram kokainë në cantë. Mësohet se Kondakci kishte deklaruar se pakoja me drogë ishte një dhuratë nga një fans i saj dhe ajo nuk ishte në dijeni për përmbajtjen e saj. Por burime nga mediat italiane deklarojnë se droga kishte ardhur nga Shqipëria dhe saktësisht nga grupi i Fisnik Smajlaj.
Prokuroria e Castrovillari kërkoi denimin me 2 vjet e 8 muaj burg per artisten dhe pritësin e mallit, i cili rezultoi se ishte shqiptari Luan Kubazekai.

Në tetor të vitit 2008 vjen vendimi i ri i gjykatës: urdhri për arrestimin e këngëtares nën akuzën e trafikut ndërkombëtar të narkotikëve, urdhër i cili mbeti i pazbatuar për shkak se Kondakci ishte larguar nga Italia.
Sipas artikullit të gazetës italiane, dyshohet se Liliana Konadakci mund të fshihet në Gjermani, por ka edhe dyshime për gjurmë të saj në Shqipëri.

Ndërkohë disa kohë më parë ishte vetë këngëtarja lirike e viteve ’80 Liliana Kondakci e cila shfajësohet publikisht për dyshimet se ajo është pjesë e një bande trafiku të drogës. Në një prononcim për TV “News24” ajo ka përgënjeshtruar njoftimet që vijnë përtej detit se ajo rezulton anëtare e një grupi trafikantësh të lëndëve narkotike dhe se për këtë arsye është prerë dhe një urdhër arresti.
Kondakciu është shprehur se ”S’kam probleme me drejtësinë italiane. Lajmi se për mua është prerë një urdhër arresti nuk është i vërtetë.

Turp te kene kjo zonjusha ,ku eshte ze nuk eshte pa gje

edhe kur ka qene kengetare kjo nuk ka patur ndonje stature serioze....